CONTACT US

CVO Marmer het hulle nuwe Graad 1 leerders verwelkom op Woensdag 14 Januarie.  Van die leerders was baie opgewonde en reg vir die “groot skool” terwyl ander eerder nog ‘n bietjie vakansie wou hê.  Hier is die Graad 1 klas saam met hulle onderwyseres Juffrou Hannemi Harmse.

Die Planetarium het CVO Marmer besoek vandag! Hierdie was defnitief 'n hoogtepunt op ons kalender! CVO Marmer leerlinge het vandag 'n besoek gehad van die rondreisende planetarium en het baie geleer van planete, sonnestelsels en sterrestelsels. Die leerlinge het dit baie geniet en baie interessant gevind!

CVO Marmer se Graad 4-7 leerlinge het Dinsdag 27 Januarie 2015 deelgeneem aan die studiekursus “Studeer sonder sukkel” wat aangebied is deur die Instituut vir Christelike Onderwys.  Die leerlinge het verskeie nuwe tegnieke van studeer aangeleer wat hulle in die toekoms gaan help met hulle skoolloopbaan.  Saskia Meijer, die aanbieder, het die leerlinge geleer hoe om hulle skoolwerk en studies te beheer en hoe om hulle tyd effektief te bestuur deur gebruik te maak van studieroosters en memoriseringstegnieke.  Die leerlinge het dit baie geniet om opsommings en breinkaarte te maak!  Die leerlinge het dit baie geniet en wil ook dankie sê aan Marmer wat hierdie goue geleentheid vir hulle gebied het.

Na aanleiding van die tweede kwartaal se punte en halfjaar eksamen van 2015 is die volgende leerlinge van CVO Marmer aangewys as die top presteerders in elke graad.  Ons wil baie geluk sê aan al hierdie leerlinge, hou aan so hard werk en ons is baie trots op julle!

CVO Marmer het ‘n interessante kultuur-historiese toe meegemaak.  Ons het bietjie gaan delf in ons geskiedenis en het so baie geleer!  Ons eerste baken was die Bloedrivier Slagterrein waar ons met behulp van ‘n toergids weereens besef het hoe genadig God was teenoor ons as Blanke volk.  Dit was hartroerend om in die laer van die monument  waens te staan en die slag weer te beleef en ervaar.  Ons kinders by CVO Marmer is wel bewus van ons Afrikaner Geskiedenis (Volksgeskiedenis) aangesien ons dit in die breë met ons kinders behandel, en steeds was dit  so ‘n wonderlike ervaring.  Verskeie slagvelde tussen Boer en Brit en tussen Boer en Swartstam is besoek en die kinders het selfs ‘n skynaanval voorgestel.

Ons hoogtepunt van ons toer was Majuba-naweek.  Naby Volksrust het ons kamp opgeslaan in nat en koue weer.  Hier by die berg Majuba het ons die Slag van Majuba gevier.  Dit is hier waar die Boere ‘n magtige oorwinning behaal het teenoor Colley en sy manne.  Die kinders het die vlaghysing, perde kommando en ossewaens vreeslik geniet.  Van sweepslag tot volkspele was aangebied.  As jy nog nie die berg Majuba uitgeklim het nie, was dit eerste op jou prioriteits lysie.  Die mees merkwaardigste van die naweek was die rondgaande Ossewa en Voortrekker museum.  Hier het die vroue en mans heel naweek tradisionele drag gedra en daar is seep en kerse gemaak, rieme is gebrei en op die vuur was heeldag lekker sterk “boeretroos”.  Vir baie was dit die eerste besoek aan Majuba maar hulle het dit so geniet dat hulle definitief weer wil gaan.  CVO Marmer bedank elkeen wat ‘n bydrae gemaak het om die toer so ‘n groot sukses te maak.

Op 25 Julie 2015 het 11 van CVO Marmer se leerlinge aan die Oos-Transvaal streek redenaars gaan deelneem.  Alhoewel dit ‘n koue dag was het ons redenaars almal se harte warm gepraat.  CVO Marmer het nie net weggeloop met 3 goue medaljes, 2 silwer en 1 brons nie, maar Clara Barnard was ook die kategorie wenner vir die Graad 1-3 fase.  CVO Marmer wil al hierdie leerlinge sterkte toewens wat op Vrydag 21 Augustus 2015 in Bloemfontein gaan praat.

Marmer het Vrydag 19 Junie Ouma en Oupadag gevier! Die kinders het die Oumas en Oupas vermaak met oulike gediggies en sêgoed en toe lekker saam met hulle Oumas en Oupas gekuier by die tafels wat ons gasvrouens vir ons so mooi gedek het! Baie dankie aan almal wat so hard gewerk het om hierdie dag so spesiaal te maak!

Marmer leerlinge in BCVO Bokkiespan

Saterdag, 9 Mei 2015 het Noord-Transvaal en Oos-Transvaal se 0/13 Rugby en Netbalspanne teeen mekaar gespeel om die eerste rondte keuring vir die Bokkiespan te slaag.  Verdere Bokkie-proewe het Saterdag 23 Mei 2015 in Pretoria plaasgevind.  Tydens die proewe het die Noordelike Provinsies teen die Suidelike Provinsies gespeel vir die finale Bokkie-proewe.  Tydens hierdie proewe is Emil Bloemhof, Christelle Boshoff en Sonique Engelbrecht van CVO Marmer gekies vir die Bokkiespan.  Hierdie span gaan gedurende die vakansie vanaf 6 Julie tot 10 Julie in Kroonstad deelneem.  Van CVO Marmer se kant wil ons net baie geluk sê aan hierdie leerlinge.  Mag julle die Bokkieweek geniet en net julle beste gee!

CVO Marmer hou Interhuis

CVO Marmer se atlete het Saterdag 24 Januarie 2015 saam met CVO Gromar interhuis gehou.  CVO Marmer se atlete het hierdie seisoen baie goed afgeskop en spog met 20 eerste plekke, 28 tweede plekke en 24 derde plekke vir die dag.  Baie geluk met julle goeie prestasies!  Ons wil graag al ons ouers en personeel bedank wat gehelp het om die dag ‘n sukses te maak.  Sterkte aan ons 46 atlete wat Saterdag 7 Februarie 2015 gaan deelneem aan die Noord-Streek byeenkoms te Marmer. Doen julle bes!